我未識M佬之前,好少食海鮮,因為我嫌食海鮮麻煩,又驚俾人呃,但自從識咗勁鍾意食海鮮嘅佢之後,我哋周不時都會去食海鮮,佢仲會幫我起殼去骨,等我食到啖啖肉,你話佢係咪好sweet呢?雖然好多人覺得食海鮮係貴價嘢,但我哋今次就嚟到主打食蟹、龍蝦同小菜嘅尖沙咀翠林辣蟹舫,近期仲有唔少優惠,海鮮夠晒新鮮,煮法又有創意。

黃金流沙龍蝦
龍蝦唔一定係上湯同芝士焗嘅,大廚玩另類,將近年好興嘅鹹蛋黃金碎加入龍蝦,估唔到又幾好味喎!炸到香口,龍蝦索晒濃郁嘅鹹蛋香味,加上預先切件,勁容易食到啖啖肉。

〈好食〉當黃金流沙遇上龍蝦 尖沙咀翠林辣蟹舫

避風塘香辣蟹
蟹勁大隻,又多肉,用避風塘方式炒,夠晒惹味。蟹嘅外面焦脆,蒜香味濃,微辣,味道好有層次。

〈好食〉當黃金流沙遇上龍蝦 尖沙咀翠林辣蟹舫

濃湯大花膠雞
嘩!花膠大到嚇死人呀!聽店員講呢個湯煲左超過六個鐘,大大塊嘅花膠真係超足料,飲落膠口,骨膠原十分豐富!另外,湯裏面嘅雞肉竟然非常嫩滑,真係湯渣都食埋。

〈好食〉當黃金流沙遇上龍蝦 尖沙咀翠林辣蟹舫
〈好食〉當黃金流沙遇上龍蝦 尖沙咀翠林辣蟹舫
〈好食〉當黃金流沙遇上龍蝦 尖沙咀翠林辣蟹舫
〈好食〉當黃金流沙遇上龍蝦 尖沙咀翠林辣蟹舫