韓風吹過不停,除咗睇韓劇、聽K-Pop、化韓妝、着韓裝外,就連家中嘅小狗都不甘示弱,勢要追上潮流,不過小狗就話誓不整容,微調都唔得,亦唔想剪毛「光脫脫」,寧願抄足韓星,攪番個型到爆嘅 狗狗髮型 ,散下熱就最正!

即睇﹗最潮狗狗髮型 必跟﹗

1/ 側鬢辮

雖然我啲毛唔係話好長,不過都可以學到Kyung Soo Jin咁梳All back兼側分,扎鬢辮,睇落我係唔係後生咗幾年呢!下套韓劇預埋我呀﹗唔該﹗

A1

2/ 高馬尾

我覺得我條側馬尾可愛過[email protected]囉,頭頂仲有花花同蝴蝶結添,係隻手無Seungyeon咁長,可以玩頭髮之嘛!

A2

3/ 丸子頭

係《Oh我的鬼神大人》入面做女鬼申順愛嘅金瑟祺,都有可愛嘅一面,呢個丸子頭殺死唔少宅男,但我嘅丸子髻都唔弱,再加埋幅超,GD都唔夠我型喇!

A3

4/ 噴泉頭

媽咪你識唔識扎頭髮嫁!做咩搵條繃帶包住我個頭,我無受傷喎,唔好搞到我好似癲婆咁喇!人哋南智賢靚就話carry到啫,我唔得嘅,放過我喇!

A4

5/ 孖辮妹

我條孖辮同李姬珍似唔似呀?你覺得我可愛啲,定係佢得意啲呢?

A5

6/ 綁頭帶

今年咁興髮帶頭帶,我點可以唔跟?格仔palette點襯都得,走英國風,同Young [email protected]嘅美式頭巾style都幾夾呀!

A6

7/ 幼鬢辮

我唔係太鍾意咁誇張嘅髮型囉,扎條幼鬢辮咁,一啲都唔浮!你睇慶收真梳起玉米辮子,扎咁多幼鬢辮咁,係勁搶眼,今鋪我認輸喇﹗

xx

8/ 春麗髻

咪以為我有對耳仔就扎唔到春麗髮髻,整埋All back重得,夾個玫瑰花髮夾萌唔萌先?唔使吓吓學朴韶拉Park Sora啜晒咀,都已經夠可愛喇!

A8

9/ Gel頭

做男仔點可以唔gel頭,如果我gel到個頭好似金宇彬咁,唔知申敏兒BB會唔會鍾意我呢?雖然我沒有6呎高!

A9