最近有網民搭通宵小巴,成架車明明得一個乘客,但個司機竟然話「差一個齊人開車」,大佬啊你究竟見到啲咩?

有網民凌晨搭通宵小巴,一上車冇得耐司機就大叫「差一個齊人開車」,網民望晒成架車,都只係得佢一條友,嚇到樓主想落車走人。

呢個網民本來想搭一架由灣仔前往荃灣嘅通宵紅van,成架車一直都係得佢一個乘客。點知上車唔夠5分鐘,司機就大嗌:「差一個齊人開車」。網民喺車度等咗10分鐘,都冇人上車,於是向網民求救「我應唔應該落車搭下架」。

唔少網民紛紛留言仲嚇樓主話:「你前面個位咪有個長髮女人囉」、「點解我咩都見唔到?司機係邊?」、「唔係呀,架車咁多人,得你前面果個位空咋喎」、「有個爛面阿伯望住樓主」。

有網民仲話:「咩呀…呢個時候通宵巴通常唔係比人搭架喎」、「有乜咁岀奇,7月14嘛!我昨晚遇到的差不多!我係站頭上車,全架車都冇人,但我上車時司機話冇位喇,等下架啦,就閂門開車」。不過都有網民覺得樓主玩嘢:「連我都覺得你好假」。

坐小巴成日都會見到司機飛車,未等人坐好就開車,未落車佢又關門。肥仔黎仲見過車未停定,有人就衝落車,最後⋯⋯危險程度高達10粒星!有巴打今次坐小巴就遇到一件好可怕嘅事,一世難忘!

連登仔慘被阿婆屎忽坐面

事情是咁的,巴打就話咗個Post「X你老母岩岩搭小巴錫左落啊婆個屎忽到」,睇到呢度,原諒肥仔黎笑到透唔到氣!事緣,巴打就搭小巴,佢就坐咗喺最後嗰排出面個位。

內文如下:

事緣上車已經冇晒單人位,不過都算好彩,最後果排仲有兩個空位
因為我算早落車,所以坐出面果個位方便落車。

咁架車就繼續開,啲位就陸陸續續就坐滿。因為架小巴係高椅背同我坐最後排嘅出面,小巴司機一度以為滿座,但我又毒得濟唔敢出聲提司機

之後再下一站,有人落車,但有更多人等住上車,當我儲緊勇氣諗住提司機嗰陣,前面單人位個啊嬸已經大叫左出尼:「司機,後面仲有個位啊!」

我即刻心諗:今次X街,依家搞到我好似專登霸住個位咁
上車嘅仲要係個啊婆,我即刻勁尷尬,坐邊小小轉對腳出去,等啊婆易啲行入去諗住拎番啲印象分。

肥仔黎:件事來到呢度先到高潮!

內文如下:

點知個啊婆妹下妹下行到鬼死咁慢,個司機都唔知嬲我定燥個啊婆,啊婆一路妹佢就一路輕踩輕踩試探個油門,想去想去咁

妹左差唔多成十秒,啊婆終於妹到黎最後排,轉緊入個窗位(同我成一直線)。突然個司機大叫:「坐穩啦啊婆!」

屌你老母我即刻心知不炒,一路想轉番正個身頂住啊婆,一路大叫:「啊婆未坐好啊X!」

個「未」字先講到咀邊,架車已經「雄」一聲咁飛出去,我屌你老母我剩係轉得切個頭,手都未趕得切提起,啊婆個屎忽已經以等同於小巴嘅加速度飛向我塊面。我個「未」字先講到一半,啊婆個屎忽已經貼住我塊面,將我個「未」字完全消音。

肥仔黎:笑一笑,透啖氣,睇埋最尾!

內文如下:

最X街嘅係個啊婆想掙扎企返直,但又完全唔夠力,最後變左個屎忽係我塊面到妹下妹下。我依一刻個腦係完全空白左,視覺嗅覺觸覺好似已經同大腦切斷左聯繫。我惟一知道嘅就係架小巴好似玩緊F1賽車咁不停雄雄聲咁去。

唔知過左幾耐,啊婆坐低左,拍一拍我膊頭話:「後生仔,唔好意思啊,啊婆腳仔軟。好彩有你咋,唔係我實整親,你真係好人屎架姐」

我一聽到個屎字,我真係即刻崩潰,啲感官開始返黎,我開始聞到遣留係我塊面上嘅啊婆屎味。依一刻,我真係想即刻落車唔好係架車到,我九秒九叫司機有落然後衝左落車。

我望住個天,情不自禁深呼吸嘆左口氣。X街,啊婆浸味仲係揮之不去。我再次仰天長歎,睇黎未來三年我都唔洗賭錢了。

請問各位巴打有冇咩僻邪方法比我鎮一鎮?

睇到呢度,地鐵啲人已經以為肥仔黎係痴線,笑到咁!

其他巴打又有咩留言?

很高興,肥仔黎可以見到新潮文嘅誕生!

哦!你開會上連登!

公喜巴打!!!!

膠通消息來源:連登